Raunveruleikastjarnan Kylie Jenner hafði þangað til í morgun, vinsælustu mynd á Instagram í heiminum með yfir 18 milljón „like‘s“. Það var engin heimsfræg leikkona, söngvari né raunveruleikastjarna sem tók við toppsætinu í morgun, heldur ósköp venjulegt egg.
Já, egg..
Yfir 123 milljónir manns fylgja Kylie á samfélagsmiðlinum en eggið sem hefur notandanafnið world_record_egg á Instagram aðeins um 3,2 milljónir fylgjendur.
Þann fjórða janúar setti notandi reikningsins inn mynd af egginu og skrifaði: „Við skulum setja heimsmet saman og fá sem flest „like‘s“ á Instagram. Þannig sigrum við Kylie Jenner (18 milljónir). Við erum með þetta.“
Eins og fyrr sagði náði eggið markmiðinu í morgun og hafa nú yfir 28 milljón manns líkað við myndina.
Kylie virðist slá á létta strengi vegna málsins en á myndbandi sem hún deildi á Instagram síðu sinni má sjá hana taka egg og gera tilraun til þess að steikja það á sjóðandi heitri stétt. Það myndband hefur nú fengið 17,6 milljón „like‘s“ og skrifaði Kylie „Hafðu þetta litla egg“.
