Sirrý Hallgrímsdóttir, ráðgjafi og pistlahöfundur á Fréttablaðinu, segir að Dagur B Eggertsson borgarstjóri beri ábyrgð á vinsælum málum en embættismenn séu látnir bera ábyrgð á því sem aflaga fer í rekstri borgarinnar. Hún segir síðan: „Árum saman gekk þetta, alveg þangað til ruglið í rekstri borgarinnar var orðið svo mikið að ekki var hægt að horfa fram hjá því.“

Sirrý kallar eftir afstöðu Pírata og Viðreisnar, samstarfsflokka Samfylkingarinnar í borgarstjórn, til braggamálsins og ábyrgðar borgarstjóra:

„En afstöðu Pírata og Viðreisnar var beðið með eftirvæntingu. Miðað við hvernig flokkarnir höfðu talað um erindi sitt í stjórnmálum mátti vænta skýrrar afstöðu, stjórnmálamenn geta ekki skýlt sér bak við embættismenn, þeir bera ábyrgðina. En fulltrúi Pírata í borgarstjórn, Dóra Björt, réttlætti setu Dags í vinnuhópi um viðbrögð við Braggahneykslinu svona: „Mér finnst akkúrat að hann (Dagur) eigi að sitja. Mér finnst það eins og að víkja ráðuneytisstjóra úr vinnu sem tekur á sínu eigin ráðuneyti. Niðurstaðan er ekki sú að Dagur beri ábyrgð á þessu.“

Sirrý spyr: Ef borgarstjóri ber ekki pólitíska ábyrgð á því að lög og reglur eru brotnar og fjármunum borgarbúa sóað, hver gerir það þá?

Leiðrétting

Sirrý gerði þau mistök að eigna Dóru Björt ummæli annarrar manneskju í pistli sínum. Gerði Sirrý eftirfarandið leiðréttingu á Facebook-síðu sinni: