Jose Mourinho var rekinn frá Manchester United í dag en hann entist í þrjú ár hjá félaginu.
Stan Collymore, fyrrum leikmaður Liverpool, segir að United hafi ekki getað valið verri tímasetningu til að reka Portúgalann.
Nú er mikið álag framundan í ensku úrvalsdeildinni en nýr tímabundinn þjálfari verður ráðinn á næstu dögum.
,,Manchester United gæti ekki hafa valið verri tíma til að reka Jose Mourinho og það er Ed Woodward að kenna,“ skrifaði Collymore.
,,Fólk mun tala um að þetta sé sniðugt. Jólaleikirnir eru framundan, stórleikir í nokkrum keppnum og svo janúarglugginn.“
,,Svo að nýi þjálfarinn fái sex vikur til að vinna með hópnum fyrir 16-liða úrslit Meistaradeildarinnar í febrúar.“
,,Það er kjaftæði. Þessi tímasetning væri abra rétt ef þetta lið væri að berjast á botninum og um peningana sem fylgja því að spila í þessari deild.“
,,Woodward átti að losa sig við Mourinho í sumar. Þeir áttu aldrei að gefa honum nýjan samning í janúar.“
,,Þeir áttu ekki að leyfa honum að grátbiðja leikmenn um að koma fyrr úr sumarfríi til að spila á undirbúningstímabilinu því hann vissi að það væri eitthvað að.“
,,Að gefa honum nýjan samning kostaði félagið 15 milljónir punda og það ætti að koma úr eigin vasa stjórnarformannsins.“