Nú er í gangi leikur Real Madrid og CSKA Moskvu í riðlakeppni Meistaradeildarinnar en spilað er á Santiago Bernabeu á Spáni.
Real er komið í 16-liða úrslit keppninnar fyrir leikinn í kvöld og fer í næstu umferð ásamt ítalska liðinu Roma.
CSKA á þó möguleika á að komast í Evrópudeildina og eins og staðan er þá er liðið á leið þangað.
Hörður Björgvin Magnússon og Arnór Sigurðsson spiluðu báðir fyrri hálfleikinn fyrir gestina en staðan er mjög óvænt 2-0 fyrir þeim rússnensku.
CSKA vann Real 1-0 í fyrri leik liðanna í Rússlandi og leiðir nú 2-0 í leikhléi eftir mörk Fedor Chalov og Georgi Schennikov.
Arnór lagði upp fyrra mark CSKA í leiknum og er útlitið ansi bjart fyrir okkar menn.