Þeir hafa ekki sótt mikið í sviðsljósið, Fannar og Guðmundur Óli í Matarkompaníinu í Hafnarfirði, enda ekki ástæða til. Það er nefnilega vitlaust að gera hjá þeim alla daga.

Matarkompaníið er ungt fyrirtæki og staðsett í Helluhrauni 22 þar sem þessir hressu matreiðslumenn ráða ríkjum. Þar er lögð ást og metnaður í hvert handtak sem hefur skilað þeim verulega góðum árangri.

Ég hitti þá félaga fyrir stuttu og náði að spjallaði lítillega við þá því mig langaði að vita meira um hvað væri í gangi og hver væri þeirra lykill að ánægðum gestum.

„Markmið okkar eru ákaflega einföld, að bjóða upp á vel samsetta máltíð sem gefur holla og góða næringu, á góðu og sanngjörnu verði. Þetta hefur heppnast,“ segir Guðmundur.

Jólahlaðborðin aftur heim
„Veisluþjónustan okkar hefur blásið út og eiginlega í samræmi við markmiðin okkar varðandi verð og gæði. Þetta spyrst allt hratt út,“ segir Guðmundur.

„Fyrir jólin höfum við lagt áherslu á jólahlaðborðin og nú er sérlega vinsælt að vera með þau heima. Bæði einstaklingar og fyrirtæki kjósa þann kostinn, enda mun persónulegra. Þetta hefur vakið lukku.“

„Við erum ánægðir og stoltir yfir því sem við bjóðum upp á en jólahlaðborð samanstendur af 20-25 mismunandi réttum, bæði heitum og köldum og þar geta allir fundið eitthvað fyrir sig. Það er eins og maðurinn sagði: ekkert vesen, bara að njóta matarins með vinum og vinnufélögum. Það er eitthvað við það þegar hópurinn hittist einn og sér en týnist ekki á stórum veitingastað, þetta er mun persónulegra. Þetta er vinsælt og best að vera tímanlega með pantanir því við komumst bara yfir að afgreiða takmarkaðan fjölda og sumar helgar eru vinsælli en aðrar.“

Sjá nánar á matarkompani.is

Höfundur: Ólafur Sveinn Guðmundsson