Parið Helga Hermannsdóttir og Björn Jónsson eru búsett á Egilsstöðum og eiga þau von á barni. Á dögunum setti Björn inn bráðfyndið myndband sem parið hefur fengið misjöfn viðbrögð við.

„Sumum finnst þetta ekki fyndið og halda að ég hafi tekið þessu illa en það er alls ekki þannig. Þetta hefur skemmt miklu fleirum heldur en hitt,“ segir Helga í samtali við Bleikt.

Í myndbandinu sýnir Björn frá nýju tæki sem hann festi kaup á en upphaflegur tilgangur tækisins er til þess að glenna í sundur öxulhosur í bílum.

„Ef að ég sé eitthvað sem mig langar í, þá kaupi ég mér það bara og ég sá svolítið í dag sem getur nýst vel við fæðingu barnsins,“ segir Björn í myndbandinu. Tekur hann tækið svo upp og sýnir hvernig hann glennir það upp.

„Þetta er svona léttur húmor hjá okkur,“ segir Helga. „Við reynum bæði að hlæja og hafa gaman af lífinu.“

Myndbandið má sjá hér fyrir neðan og má vel sjá hvers vegna Björn grínast á léttu nótunum um notkun þess við fæðingar.

https://www.facebook.com/bjjonsson/videos/10155998735207149/?t=12