Það getur reynst erfitt að útskýra fyrir þriggja ára gömlu barni hvers vegna það megi ekki leika ofurhetjuna „Spiderman“ í jólaleikriti um fæðingu Jesú.

Hin þrjátíu og sjö ára gamla Heather, móðir Darcy Raine Cheshire lenti einmitt í þeim aðstæðum á dögunum þegar dóttir hennar fékk það hlutverk að leika engil. Samkvæmt Metro fór Darcy í mikið uppnám þegar hún fékk að vita hvaða hlutverk hún átti að taka að sér og náði móðir hennar brjálæðiskasti hennar upp á myndband.

Heather reyndi að útskýra fyrir dóttur sinni að Spiderman, eða kóngulóarmaðurinn, væri ekki í Biblíunni og sagði henni að sagan fjallaði um Jesúbarnið.

„Mér líkar ekki við Jesúbarnið. Ég hata Jesúbarnið. Mér líkar ekki við engla,“ grét Darcy sem á fjóra eldri bræður og hefur því fengið að kynnast mörgum ofurhetjum í gegnum ævina.

Faðir Heather, Aron sagði að dóttir sín geti verið mjög ákveðin og segi stundum virkilega fyndna hluti.

„Hún getur verið mjög hávær og hún er mjög fyndin. Hún hefur virkilega sterkar skoðanir miðað við barn á hennar aldri. Það sem hún lætur stundum út úr sér, stundum hljómar hún frekar eins og hún sé átján ára gömul.“

Darcy elskar ofurhetjur og myndbandið af því þegar hún var í uppnámi vegna hlutverki sínu hefur nú gengið um netmiðla en margir foreldrar tengja líklega vel við það.

Heather reyndi að útskýra fyrir dóttur sinni að hún yrði fallegur engill en Darcy vildi ekki heyra það.

„Ég vil ekki engil. Þú átt að gefa mér Batman búning sem er ekki með pilsi á. Venjulegan með buxum og skikkju. Mér líkar ekki við engla.“