Marco Silva, stjóri Everton, var fúll út í miðjumanninn Jorginho hjá Chelsea eftir leik liðanna í dag.
Jorginho tæklaði Gylfa Þór Sigurðsson ansi illa í fyrri hálfleik og fór okkar maður af velli í þeim síðari.
Útlit er fyrir að Gylfi sé meiddur og mun líklega ekki spila með landsliðinu í þessum mánuði að mati Silva.
Portúgalinn var einnig spurður út í atvik sem kom upp í síðari hálfleik er Bernard, leikmaður Everton, var ásakaður um að hafa skallað Antonio Rudiger.
,,Bernard? Ég sá það ekki en miðað við stærðina á honum, hvað getur hann gert? Ég sá ekki atvikið en trúi þessu ekki,“ sagði Silva.
,,Sástu tæklingu Jorginho? Ég vona að við verðum ekki án Gylfa í næstu leikjum eftir þessa tæklingu.“
,,Ég tel að hann sé ekki í standi til að spila með landsliðinu. Við sjáum til á næstu dögum.“
