Guðbjörg Jóna Bjarnadóttir setti í gærkvöldi nýtt Íslandsmet í 200 metra hlaupi á Ólympíuleikum ungmenna sem fer fram í Argentínu. Guðbjörg hljóp á tímanum 23,55 sekúndum (1,1 m/s í meðvind) og skilaði það henni einnig fyrsta sætinu í fyrri umferð.

Fyrra Íslandsmetið átti Guðbjörg sjálf þegar hún bætti 21 árs gamalt Íslandsmet Guðrúnar Arnadóttur í júní á þessu ári. Þá hljóp hún á 23,61 sekúndu.

Keppnin í frjálsum er með nýstárlegu sniði því samanlagður árangur í tveim umferðum gildir til sigurs á mótinu. Því verður spennandi að fylgjast með Guðbjörgu í seinni umferðinni sem fer fram 16. október.

Guðbjörg varð í sumar Evrópumeistari í 100 metra hlaupi stúlkna 16-17 ára og er hún því að eiga virkilega gott keppnisár

Hér að neðan má sjá myndband sem tekið var með Guðbjörgu fyrir mótið.