Sæl Ragnheiður
Þakka þér fyrir góðar greinar. Ég er nú ekki með neina spurningu en langar til að segja þér sögu mína. Ég er 50 ára og hef verið gift sama manninum í 30 ár. Í vetur kynntist ég öðrum manni sem er 60 ára og hreifst svo svakalega af honum að við fórum að vera saman. Og ég get sagt þér að betra kynlíf hef ég aldrei upplifað né hann. Hann var reyndar nær hættur að stunda kynlíf með sinni konu og farinn að slappast aðeins en fékk sér bara Viagra og VÁ þvílíkt kynlíf! Við hittumst 3-4 sinnum í viku og stundum kynlíf, oftast í bíl, uppi í Heiðmörk og víðar. Auðvitað veit ég að þetta er ljótt framhjáhald en ég hefði ekki viljað missa af þessari reynslu og gæti jafnvel trúað því að við ættum eftir að losa okkur úr dauðu hjónaböndunum og vera saman áfram. Ég segi þér bara þessa sögu mína til að árétta að kynlíf er ekki bara fyrir unga og fallega fólkið og að það getur batnað með árunum þegar áhyggjuleysi af fjárhag og barnauppeldi er fyrir bí.
Með góðri kveðju,
Margrét miðaldra
Kæra Margrét
Ég óska þér til hamingju með þetta frábæra kynlíf! Auðvitað er staðan samt hundflókin eins og þú bendir á og þess vegna vona ég að allt fari vel og að þið getið notið samvista og frábærs kynlífs þar til þið verðið 100 ára að minnsta kosti.
Kær kveðja,
Ragga sem hlakkar til að eldast