Mauricio Pochettino, stjóri Tottenham, segir að liðið hafi sýnt stjörnum Liverpool of mikla virðingu er liðin áttust við síðustu helgi.
Tottenham þurfti að sætta sig við 2-1 tap og tapaði svo einnig 2-1 gegn Inter Milan í Meistaradeildinni.
Pochettino segir að sínir menn hafi sýnt þeim Roberto Firmino og Mohamed Salah of mikla virðingu.
,,Að hafa leikmenn eins og Salah og Firmino fyrir framan þig, ég held að við höfum sýnt þeim of mikla virðingu,“ sagði Pochettino.
,,Gegn Inter þá þekktum við ekki Matteo Politano og Mauro Icardi svo við fundum ekki fyrir eins mikilli pressu.“
,,Liverpool leyfði okkur að spila alveg frá byrjun og þeir pressuðu okkur ekki hátt en við vorum of hægir að færa boltann.“
