Fyrr á árinu handtóku hollensk yfirvöld tvo meinta rússneska njósnara og vísuðu þeim úr landi. Þeir eru taldir hafa reynt að brjótast inn í tölvukerfi Spiez-rannsóknarstofunnar í Sviss. Rannsóknarstofan hefur meðal annars séð um rannsókn á sýnum tengdum Novichoc árásinni á Skripal-feðginin í Salisbury fyrr á árinu.

Mikil leynd hefur hvílt yfir málinu en hollenskir og svissneskir fjölmiðlar komust nýlega á snoðir um það. Svissneska dagblaðið Tages-Anzeiger segir að Rússarnir hafi verið handteknir í Haag í Hollandi í vor og hafi síðan verið vísað úr landi. Haft er eftir talskonu svissnesku leyniþjónustunnar FIS að þarlend yfirvöld viti af málinu og að FIS hafi komið að málum við að „hindra aðgerðir sem beindust gegn mikilvægum svissneskum innviðum“. Hún sagði að FIS starfi náið með hollenskum og breskum yfirvöldum í málinu.

Á laugardaginn skýrðu svissneskir saksóknarar frá því að sömu Rússar hafi verið til rannsóknar frá því í mars á síðasta ári vegna annarrar tölvuárásar sem beindit að alþjóðlegri stofnun sem berst gegn lyfjamisnotkun í íþróttum.