Cristiano Ronaldo gekk í raðir Juventus í sumar en hann var keyptur til félagsins frá Real Madrid.
Stefan de Vrij, leikmaður Inter Milan, trúði því ekki í fyrstu að Ronaldo væri í raun að koma í Serie A.
,,Í fyrstu þá gat ég ekki trúað því að hann væri á leið til Ítalíu,“ sagði De Vrij við Corriere dello Sport.
,,Þegar fjölmiðlar héldu áfram að ræða um það þá byrjaði ég að taka eftir. Það var mjög jákvætt að fá hann til Ítalíu því það gerir mikið fyrir keppnina.“
,,Ég spilaði gegn honum með landsliðinu sem mætti Portúgal fyrir HM 2014. Sá leikur endaði 1-1 og hann skoraði eftir horn.“
De Vrij var svo spurður út í það hver væri besti sóknarmaður sem hann hefur mætt.
,,Það væri Mbappe,“ sagði De Vrij og staðfestir þar að hann sé hrifnari af Frakkanum en Portúgalanum.
