Chelsea á Englandi lánaði miðjumanninn Tiemoue Bakayoko til Ítalíu í sumar en hann samdi við AC Milan.

Samkvæmt ítölskum miðlum var það ekki að ástæðulausu en Chelsea horfir til Milan og vill fá leikmann liðsins.

Calciomercato greinir frá því að Chelsea hafi áhuga á að fá vængmanninn Suso sem spilar á San Siro.

Suso hefur staðið sig vel á Ítalíu en hann þekkir aðeins til Englands eftir að hafa spilað með Liverpool.

Þar fékk Suso ekki mörg tækifæri en hann hefur sýnt hæfileika sína á Ítalíu og er nú á óskalista Chelsea.

Chelsea mun reyna að notfæra sér lán Bakayoko til að tryggja sér þjónustu Suso. Milan má kaupa Bakayoko næsta sumar.