Ólafur Arnarsson nýkjörin formaður Neytendasamtakanna segir að íslenskir neytendur hafi ekki sömu verðvitund og aðrar þjóðir. Þetta kemur fram á vísir.is. Ólafur segir ástæðuna meðal annars vera þá gríðarlegu verðbólgu sem Íslendingar hafa vanist gegnum árin. Hann segist hafa tekið eftir því þegar hann hefur búið erlendis að fólk þar er almennt meðvitaðra um verðlag.

Ólafur vill þróa sérstakt neytendaapp sem gerir neytendum auðveldara fyrir að fylgjast með vöruverði og gera verðsamanburð. „Þá getur þú bara áttað þig á því, er verið að okra á þér? Ætti ég ef til vill bara að hætta að versla hér og fara í einhverja aðra búð og venja komur mínar þangað. Ég held að þetta efli samkeppni á verslunarmarkaði.“