Manchester United þurfti að sætta sig við tap í dag er liðið mætti Bayern Munchen í æfingaleik.
Bæði lið undirbúa sig nú fyrir keppni í sinni deildarkeppni en enska úrvalsdeildin hefst eftir aðeins fimm daga.
United stillti upp sterku liði í dag en leikmenn á borð við Juan Mata, Marcus Rashford, David de Gea, Alexis Sanchez, Fred, Eric Bailly og Ander Herrera byrjuðu.
Bayern var þá einnig með stjörnur innanborðs en þeir Franck Ribery, Arjen Robben og Thomas Muller voru í sókninni.
Aðeins eitt mark var skorað í leiknum en það gerði miðjumaðurinn Javi Martinez fyrir Bayern í seinni hálfleik í 1-0 sigri liðsins.
