Leiðtogafundur Vladimir Pútíns Rússlandsforseta og Donalds Trump Bandaríkjaforseta stendur nú yfir í Helsinki. Fundinum seinkaði um klukkustund vegna tafa í flugi Pútíns, en leiðtogarnir mættu á fundinn með um 10 mínútna millibili. Þar tókust þeir í hendur en spöruðu þó sparibrosið og virtist heldur þungt yfir með þeim félögum.

Trump óskaði Pútín til hamingju með HM í knattspyrnu, sagðist hafa horft mikið á það. Hann tók fram að mikil tækifæri fælust í samstarfi þjóðanna þrátt fyrir að þeim hefði ekki komið vel saman undanfarið, en að lokum myndu þau eiga í „óvenjulegusambandi“. (Extraordinary relationship).

Ummæli Trumps koma í kjölfar tísts hans í gær, þar sem hann kenndi Bandaríkjunum um slæmt samband þjóðanna.

BBC hefur eftir Mikhail Kasyanov, fyrrum forsætisráðherra Rússlands, að fundurinn sé aðeins til málamynda, einskonar PR „stönt,“ því engar stórar ákvarðanir verði teknar á fundinum.

Hann segir að Trump sé ólíklegur til að bjóðast til að aflétta viðskiptabanni, en tekur fram að báðir séu forsetarnir ólíkindatól. Í Rússlandi sé hinsvegar alræðisstjórn, þar sem allt velti á leiðtoganum og því sé Pútín undirbúinn fyrir allt mögulegt.

„Trump hefur stolið mikilvægum eiginleikum frá Pútín, á borð við ófyrirsjáanleika og akkúrat núna, á fólk erfitt með að sjá fyrir hvað gæti gerst,“

segir Kasyanov

Lesa má nánari umfjöllun um fundinn hér.