,,Þetta byrjaði bara vel fyrir austan í Jökla. Áin gaf fimm laxa og það sluppu af nokkrir, einn verulega stór,“ sagði Þröstur Elliðason sem var að veiða í Jöklu fyrstur manna með hóp veiðimanna.

Frábær bleikjuveiði hefur verið í Fögru hlíðarósnum og veiðimenn sem voru þar um daginn fengu yfir 30 flotta fiska, bleikjur og urriða.

,,Breiðdalsá hefur opnað og  þar komu þrír laxar strax á land. Súddi fékk tvo af þeim og þetta byrjar bara vel  hjá okkur,,“ sagði Þröstur ennfremur ný búinn að landa sínum öðrum laxi á þessu sumri. Hinn inn fyrri veiddi hann í Hrútafjarðará.

Mynd. Þröstur Elliðason með fallegna lax á Fossárklöpp í Jöklu.