Anthony Bourdain, kokkurinn heimsfrægi og matargagnrýnandinn, er látinn, 61 árs gamall.
CNN greinir frá þessu.
„Með ótrúlegri sorg í hjarta staðfestum við að vinur okkar og samstarfsmaður, Anthony Bourdain, er látinn,“ segir í yfirlýsingu frá CNN. „Ást hans á ævintýramennsku, nýjum vinum, góðum mat og drykk og mögnuðum sögum gerði það að verkum að hann var einstakur sögumaður. Hæfileikar hans komu okkur sífellt í opna skjöldu og við munum sakna hans afar mikið. Hugur okkar og bænir eru hjá dóttur hans og fjölskyldu á þessum erfiðu tímum.“
Talið er að Bourdain hafi framið sjálfsvíg, Eric Ripert vinur Bourdain fann hann látinn á hótelherbergi sínu í morgun.
Kokkurinn var staddur í Frakklandi þegar hann lést, hann var að vinna að nýjum þætti fyrir kokkaþætti sína Parts Unknown á CNN. Þættirnir hafa notið mikilla vinsælda og unnið til verðlauna, en ellefta þáttaröðin var frumsýnd í maí síðastliðnum.
BREAKING: Anthony Bourdain of CNN’s “Parts Unknown” is dead. The chef, storyteller and Emmy-winning host has committed suicide at age 61, CNN confirms https://t.co/kUSmSJZXNm pic.twitter.com/VyZyfh5my2
— CNN (@CNN) June 8, 2018
