,,Við erum orðin svakalega spennt því það eru aðeins fimm dagar í að Þjórsá opni fyrir stangveiðimenn. Þá opnar Urriðafoss og nýtt nýtt tilraunasvæði að Þjórsártúni. Það er í raun nánast sama svæði en bara hinn bakkinn eða Austurbakki Þjórsár frá Urriðafossi og upp að Heiðartanga,“ segir Stefán Sigurðsson.

Stefán segir að verið sé opna fimm dögum fyrr en í fyrra en þá byrjaði allt með svaka látum og veiddu menn kvótann dag eftir dag frá fyrsta degi í Urriðafossi. Fyrir sumarið 2018 var svo tekin ákvörðun um að byrja fimm dögum fyrr. Þetta er allavega rosalega spennandi eins og alltaf og við vonum svo innilega að Laxinn sé mættur fyrsta daginn.

,,Svona fyrir þá sem eru orðnir mjög spenntir að þá eru nokkrir lausir dagar snemma á tímabilinu í Þjórsártúni,“ sagði Stefán og var orðinn verulega spenntur.