Sýningin Rocky Horror sem sýnd er í Borgarleikhúsinu hefur svo sannarlega slegið í gegn. Þar fer Páll Óskar í hlutverki Frank-N-Furter fremstur í flokki leikara og dansara í sýningu sem einkennist af söng, gleði og litum.
Í lok sýningarinnar býðst áhorfendum að stíga upp á svið og dansa með í lokalaginu. Á meðal þeirra sem stigu upp á svið síðastliðinn sunnudag var parið Ágúst Bent rappari og Dóra Jóhannsdóttir, leikkona og einn höfunda áramótaskaupsins í fyrra.
