Stefnuleysi borgarstjórnarinnar í málefnum Miðbæjarins skaðar ekki bara borgina heldur er það farið að stofna mannslífum í hættu.

Allt er stopp vegna ruglsins. Eigendur húsanna vita ekki hvort þeir fái að rífa þau og byggja nýtt eða kannski vonast þeir til að verða leystir út með ógurlegum fjárhæðum eins og eigendur Laugavegs 4-6.

Hallur Magnússon les úr grein eftir Erlu Ósk Ásgeirsdóttur, formann Heimdallar, að hún vilji að mynduð verði einhvers konar þjóðstjórn í Reykjavík.

Það er líklega eina ráðið.

Stefán Jón Hafstein, borgarfulltrúi í fríi, lagði þetta líka til í viðtali í Silfri Egils fyrir nokkrum vikum.

Hvenær ætlaði Sjálfstæðisflokkurinn annars að ákveða hvernig, hvort – og þá hvenær – val borgarstjóraefnisins fer fram?

Eða er búið að sópa því öllu undir teppið?