Mikið er talað um að ESB sé einhvers konar kratabatterí, þetta er ein af ranghugmyndunum sem flýgur nú í umræðunni. Stundum mætti jafnvel álíta að ESB sé einhvers konar samsæri sem runnið er undir rifjum Samfylkingarinnar.

Staðreyndin er þó sú að hægri- og miðflokkar í Evrópu eru upp til hópa mjög Evrópusinnaðir, enda komu stofnendur Evrópusambandsins flestir af hægri væng stjórnmálanna.

Nokkrir feður Evrópusambandsins eru taldir vera Jean Monnet og Robert Schumann, Konrad Adenauer, Charles de Gaulle og Alcide de Gasperi

Monnet var franskur embættismaður sem vann mikil afrek við uppbyggingu Evrópu eftir stríðið, Schumann var kristilegur demókrati, rétt eins og Adenauer, De Gaulle var leiðtogi hægrimanna í frönskum stjórnmálum, Gasperi var stofnandi Kristilega demókrataflokksins á Ítalíu.

Bretar gengu inn í ESB á valdatíma íhaldsmannsins Edwards Heath. Danmörk sem lengst hefur verið Norðurlandanna innan ESB hefur verið undir stjórn hægrimanna í næstum áratug – nú eru hægrimenn líka við völd í Svíþjóð, Frakklandi, Þýskalandi og á Ítalíu.

Vinstrið er víðast hvar í vandræðum.

Á Evrópuþinginu er langstærsti hópurinn bandalag hægri- og miðflokka, svokallaður European People´s Party.