Eitt er að lifa lífi elítunnar í 101, með öllum þeim lúxusi sem því fylgir.

Eða þannig.

Fjölskylda mín hefur reyndar búið í þessu hverfi síðan 1939, frá því löngu áður en það hét 101 – þá var það bara Vesturbærinn og Miðbærinn.

101 er líklega blandasta hverfið í bænum. Þar búa menntamenn, verkamenn, stúdentar, drykkjumenn og dópistar, innflytjendur, jú, og nokkrir útrásarvíkingar.

En maður sá þá voða lítið í Miðbænum, ekki nema Björgólf gamla. Og nú eru þeir alveg horfnir.

En hann býr í Breiðholtinu.

Ég efast um að þetta sé svona fjölbreytt til dæmis í Háuhlíðinni eða í Garðabænum.

Og það er þó víst að það var ekki elítan í 101 sem keyrði þjóðina fram yfir brún hengiflugsins og olli því að allt heila klabbið hrundi.

Hverjir svo sem eru í þessari elítu?

Og það var ekki hún sem bjó svo um hnútana eftir hrunið að augljóst var að ætlunin var að rannsaka helst ekki neitt – enda gat það varla orðið í kerfi sem var nánast búið að lama vegna nepótisma, klíkuskapar og flokkshygli.

En á maður kannski að skilja það svo að ef ég er fulltrúi elítu, þá sé Björn Bjarnason óbreyttur alþýðumaður – og kannski líka frændi hans Bjarni Ben?