Ég sé að Heimssýn, félag þeirra sem eru andsnúnir aðild að Evrópusambandinu, boðar til ráðstefnu með erlendum gestum.

Einn gestanna nefnist Peter Adams. Hjá Heimssýn stendur að hann sé framkvæmdastjóri Ukip í Skotlandi og eigi að baki farsælan feril í hernum.

En þegar honum er slegið upp á netinu kemur í ljós spaugileg smáfrétt úr dagblaðinu The Scotsman.

Adams mætti ásamt félögum sínum á lögreglustöð í Skotlandi í fyrra og kærði breska forsætisráðherra fyrir landráð.

Samkvæmt blaðinu eru í þessum hópi Gordon Brown, Tony Blair, John Major, Margaret Thatcher, Jim Callaghan, Ted Heath og Harold Wilson.

Eins ótrúlegt og það kann að virðast.