Sigríður Benediktsdóttir, meðlimur í rannsóknarnefnd Alþingis, liggur undir ámæli fyrir að hafa sagt eitthvað á þessa leið, samkvæmt frásögn DV:

„Í viðtalinu er Sigríður meðal annars spurð um bankahrunið og svarar að sér finnist ástandið vera afleiðingin af öfgakenndri græðgi og andvaraleysi þeirra sem hafa áttu eftirlit með fjármálakerfinu og fjármálalegum stöðugleika þjóðarinnar.“

Þetta er svona svipað því að hún hafi sagt að sólin komi upp í austri eða að það rigni oft sunnanlands?

Álíka almælt tíðindi.

Muna menn ekki eftir álagsprófum Fjármálaeftirlitsins frá því í ágúst þar sem sagði að íslensku bankarnir væru mjög stöðugir.

Því það er eins og viðskiptaráðherra sjálfur hefur sagt – það hefði mátt halda að Fjármálaeftirlit Jónasar hafi verið í „hinu liðinu“.