Jóhanna okkar var björt yfirlitum, heilbrigð og falleg að sjá í gær.

Og hún þurfti ekki að hrista sig og skaka eins og t.d. keppendur frá Rúmeníu, Tyrklandi og Úkraínu – síðastnefnda atriðið sló langt út klámið.

Guardian notaði orðin wholesome niceness um hana.

Þar var líka verið að setja út á bláa kjólinn hennar. Að hann væri tuskulegur eða eitthvað.

Nú ætla ég að hafa skoðun á því máli:

Mér fannst kjóllinn fallegur!

Og hann var efnismikill, ólíkt flestum öðrum kjólum í keppninni.

Svo má auðvitað geta þess að Jóhanna er ljóshærð í alvörunni – það er líka ólíkt hinum fjölmörgu óvæntu ljóskum frá Suður-Evrópu.