Það er ekki uppörvandi að fletta Morgunblaðinu í morgun.
Á blaðsíðu 26 eru þrjár fréttir.
Um hvernig tryggingarisinn Sjóvá breyttist í fjárfestingarfélag – með gengdarlausum lántökum. Mál Sjóvár er til rannsóknar hjá FME – það er að staðfestast sem orðrómur hefur verið um, að eigendur Sjóvár hafi gengið í sjóði félagsins og látið lélegar fasteignir erlendis á móti.
Næsta frétt fjallar um Bakkavör sem getur ekki borgað af skuldabréfum sínum. Enn rifjast upp hinir ótrúlega flóknu – og að sumu leyti hrollvekjandi – fjármálagjörningar bræðranna Lýðs og Ágústs Guðmundssona.
Og svo er það fall fjárfestingafélagsins Saxbygg sem nú „fleytir Smáralind í faðm ríkisins“ eins og það er orðað í blaðinu. Var Smáralindinni kannski alltaf ofaukið?
