Bjarni Ben fær prik fyrir að útiloka ekki skattahækkanir í sjónvarpinu í kvöld. En um leið skaut hann kannski niður eitt af málunum sem sjálfstæðismenn hefðu getað veifað í kosningabaráttunni.

Því skattahækkanir kunna að vera óhjákvæmilegar ef standa á sæmilegan vörð um heilbrigðiskerfið, menntakerfið og velferðarkerfið.

Og ekki er það gott ef háar vaxtagreiðslur af erlendum lánum bætast við – eða Icesave með öllum sínum þunga. Það er ekki einu sinni víst að við getum staðið undir þessu.

Ríkissjóður sér fram á gríðarlegt tekjufall. Stjórnmálaflokkarnir þyrftu að gera grein fyrir því hvernig þeir sjá fyrir sér niðurskurðinn (blóðuga) – og hugsanlegar skattahækkanir áður en gengið er til kosninga.