Ég var að horfa á þáttinn um leiklistina í sjónvarpinu, Sjónleik í átta þáttum. Það er gaman að loks sé hægt að sýna þetta efni aftur.

Það var frábært að horfa á Gísla Halldórsson, Guðrúnu Ásmundssdóttur og gamla Iðnóhópinn í Matreiðslunámskeiðinu.

Svo var sýnt úr sjónvarpsleikritinu Bleikar slaufur frá 1985. Með Eddu Björgvinsdóttur, Haraldi G. Haralds og Eggerti Þorleifssyni. Höfundur Steinunn Sigurðardóttir, leikstjóri Sigurður Pálsson.

Þarna var sena, með mjóum manni í bakgrunni. Í hvítri skyrtu með rautt bindi.

Ég var búinn að gleyma þessu – en þetta var sirkabát upphafið og endirinn á leiklistarferli mínum.