Veturinn er ekki einu sinni byrjaður samkvæmt tímatalinu, en það hefur snjóað í nótt.

Spáð frosti í dag svo varla tekur snjóinn upp.

Sums staðar úti á landi er enn meiri snjór – landsbyggðarfólki finnst alltaf að við Reykvíkingar séum að væla þegar við tölum um snjó.

Ég verð að segja eins og ég er að ég nenni þessu ekki, skaferíi og vangaveltum um hvort eigi að setja snjódekk undir bílinn.

Snjódekk fóru undir hann í fyrra eftir að hafði gert snjókomu snemma vetrar, en svo kom ekki mikið meiri snjór og maður ók um hálf skömmustulegur yfir því að spæna upp malbikið að óþörfu.

Mig minnir að þetta hafi verið svona, en ég er reyndar ekki sérlega veðurminnugur.