Kannski er eitthvað til í þessu hjá Oscar Wilde – ekki síst eftir atburði gærdagsins á heimsmeistaramótinu í fótbolta?
Fótbolti er leikur fyrir séntilmenn spilaður af dónum, en rugby er leikur fyrir dóna spilaður af séntilmönnum. Þessar myndir eru úr Guardian – hér er rithöfundurinn Julian Barnes sem dreymir um að skrifa skáldsögu um línuvörðinn sem er nauðsynlegur en úti á jaðrinum og enginn kann að meta.
Og loks er hér Albert Camus, sem líklega myndi verða fyrirliðinn í fótboltaliði Nóbelsverðlaunahafa. Það sem ég veit best um siðferði og skyldur hef ég úr fótbolta. 
Eftir Peter Handke er til bók með þeim frábæra titli Angst des Tormanns beim Elfmeter. Ótti markmannsins við vítaspyrnu. Wenders gerði kvikmynd eftir sögunni.
En á netinu er víða dreift grein þar sem viðhorf eins mesta rithöfundar allra tíma, Argentínumannsins Jorge-Luis Borges, eru rakin. Greinin birtist í New Republic og þar er meðal annars haft eftir Borges: „Fótbolti er vinsæll af því að heimska er vinsæl.“
En hvernig er það – muna menn eftir því að íslenskir rithöfundar hafi sagt eitthvað skemmtilegt um fótbolta?
