Það er ekki oft að maður lendir í því að fá um sig stóran fjölmiðlauppslátt sem maður áttar sig ekki alveg hvað er, en fattar svo að það er líklega vegna einhvers sem maður sagði fyrir löngu. En netið gleymir ekki, það er víst. Og oft þarf að hnoða saman „fréttum“ á furðulegan hátt til að fá netnotendur til að smella.

Í gær skrifaði ég litla grein á vefinn, hún var svona:

Þetta er frásögn af umtöluðum bardaga, eins og menn sjá kemur þarna hvergi fram nein skoðun á þessum slagsmálum, úrslitum þeirra eða athæfinu yfirleitt. Þarna er einungis stuðst við frásagnir úr öðrum fjölmiðlum, reyndar frekar dregið úr. Höfuðhöggin munu hafa verið nær 200.

Smelludólgur sem starfar á Vísi.is komst í þetta og skrifaði frétt sem hefur aldeilis endurómað í dag.

Um kenninguna hvort feitt fólk, alkólhólistar, reykingamenn eða aðrir sem passa ekki nógu vel upp á heilsu sína megi hafa skoðanir á þessu eða öðru sem tengist heilsufari ætla ég ekki að fjalla  – spurning reyndar hvort maður megi þá hafa skoðanir á loftslagsbreytingum af mannavöldum eða byssueign?

Ég var að reyna að rifja upp hvaðan fyrirsögnin er komin á þessa „frétt“ sem varð svo víðlesin í gærkvöldi og í morgun, því eins og menn sjá er hana ekki að finna í greininni litlu sem ég skrifaði? Upplýsingar um það eru heldur ekki að finna í „fréttinni“ sjálfri.

Jú, ég hef grun um að þarna sé vísað í grein sem ég skrifaði fyrir löngu síðan, en það er varla „frétt“ – fjandakornið.

Hljómar heldur ekki sérlega vel.

„Egill Helgason telur MMA  ekki íþrótt heldur ofbeldi – sagði eitthvað á þá leið fyrir tveimur árum.“