Samkvæmt fréttum Bylgjunnar og RÚV að þá virðist engin lausn í sjónmáli í sjómannaverkfallinu. Sjómenn héldu samstöðufund sjómanna fyrir utan hús Ríkissáttasemjara í dag og var vel mætt.

Samkvæmt sex fréttum Rásar 1 virðast deiluaðilar ekki vera að ná saman. Talsmenn útgerðarinnar hafa látið hafa eftir sér að tap hennar sé uppá milljarða króna, nú þegar.

Einn af þeim sem mættu á mótmælin var rapparinn Erpur Eyvindarson. Þorvaldur Arnarsson, blaðamaður fjallaði um málið á Mbl.is og þar lét hann Erpur hafa eftir sér: „Ég er mætt­ur, eðli­lega. Hryggj­ar­stykkið í efna­hags­lífi okk­ar Íslend­inga er hér mætt holdi klætt og ef ein­hver á skilið að fá sann­gjörn laun eru það menn­irn­ir sem hír­ast úti á ball­ar­hafi í 30-40 daga í senn til að styðja við þjóðarbúið. Þetta eru menn sem ég get peppað alla leið, og ekki bara af því að ég á ætt­ir að rekja vest­ur á firði í alla mögu­lega ættliði, held­ur vegna þess að þetta er rétt­læt­is­mál. Þetta eru bara hetj­ur og þeir eiga að fá mann­sæm­andi laun.“

Hefur gríðarleg áhrif á samfélagið

Þátturinn Bryggjan á sjónvarpsstöðinni Hringbraut fjallar í kvöld um sjómannaverkfallið sem hófst 14. desember síðastliðinn. Sáttafundur var haldinn í Karphúsinu í gær og skilaði ekki neinu.

Þessi pattstaða hefur gríðarleg áhrif á fiskvinnsluna, útflutning og markaði erlendis.

Lilja Rafney Magnúsdóttir, þingmaður Vinstri grænna í Norð Vesturkjördæmi, þar sem sjávarútvegurinn er stærsta atvinnugreinin fer yfir stöðuna í þættinum á Hringbraut í kvöld. Lilja Rafney hefur gegnt trúnaðarstörfum fyrir ríkið og er einnig sjómannsdóttir að vestan. Það er deilt um kostnaðinn sem er deilt á milli útgerða og sjómanna, þeir hafa verið samningslausir í sex á rog hefur varaformaður sjómannasambandsins sagt uppsafnaða gremju vera í stéttinni.

Umsjónarmenn Bryggjunnar eru Linda Blöndal og Sölvi Tryggvason.

Börkur Gunnarsson