Björn Valur Gíslason varaformaður Vinstri grænna segir það eðlilegt að stjórnmálamenn leiti nýrra leiða nú þegar rúmir tveir mánuðir eru liðnir á kosningum og vísar hann til frétta af viðræðum Katrínar Jakobsdóttur formanns VG við Framsóknarflokkinn og Samfylkingu um félagslegar áherslur sem flokkarnir þrír geti sameinast um í stjórn eða stjórnarandstöðu. Katrín sagði ótímabært að svara spurningum um hvort VG, Framsókn og Samfylking stefndu á stjórnarmyndunarviðræður en Björn Valur segir eðlilegt að leitað sé nýrra leiða til að koma saman ríkisstjórn:

Það er líka í anda niðurstaða kosninganna.

Þjóðaratkvæðagreiðsla um ESB-aðild ekki í hag Sjálfstæðisflokksins

Sjálfstæðisflokkurinn, Viðreisn og Björt framtíð hefja í dag aðra tilraun til myndun ríkisstjórnar, viðræður flokkanna, sem hefðu einungis eins þingmanns meirihluta, strönduðu síðast á Evrópu- og sjávarútvegsmálum. Í Fréttablaðinu í dag er greint frá því að þjóðaratkvæðagreiðsla um aðild Íslands verði í stjórnarsáttmálanum. Morgunblaðið hefur eftir Gunn­laug­i Snæ Ólafs­syni formanni ut­an­rík­is­mála­nefnd­ar Sjálf­stæðis­flokks­ins að slík þjóðaratkvæðagreiðsla sé andstæð stefnu flokksins:

Sjálf­stæðis­flokk­ur­inn myndi ein­göngu krefjast þjóðar­at­kvæðagreiðslu ef það ætti að sækja um aðild að nýju. Sjálf­stæðis­flokk­ur­inn ætlaði ekki að hafa frum­kvæði að því að sækja um að nýju því hann er and­snú­inn því að ganga í Evr­ópu­sam­bandið. Þetta er ákveðin mót­sögn ef slík at­kvæðagreiðsla ætti sér stað,

seg­ir Gunn­laug­ur. Ef það sé rétt að þjóðaratkvæðagreiðsla um aðild Íslands að ESB sé í stjórnarsáttmála Sjálfstæðisflokks, Viðreisnar og Bjartrar framtíðar hafi það í för með sér vandamál og það sé alveg ljóst að flokksmenn og kjósendur hafi ekki áhuga á því:

Þetta er ákveðinn póli­tísk­ur ómögu­leiki. Það er til að mynda út af þessu máli sem það er stjórn­ar­kreppa. Í raun og veru væri þessi niðurstaða ekki í hag Sjálf­stæðis­flokks­ins og ekki í anda stefnu flokks­ins.