Lögreglan í Stokkhólmi ásamt yfirmönnum sænsku öryggislögreglunnar blaðamannafund sem lauk laust fyrir klukkan 16 að íslenskum tíma. Fundurinn var stuttur og greinilegt að lögreglan vill ekki segja of mikið á núverandi stundu.

Þar kom eftirfarandi fram:

• Lögreglan hefur rætt við ökumanninn sem hafði þann starfa að aka vörubílnum dags daglega. Það hefur ekki tekist að hafa hendur í hári þess sem ók bílnum í árásinni. Bílnum var stolið.
• Lögreglan vill ekki staðfesta hve margir eru látnir eða slasaðir.
• Vita ekki hvort vænta megi fleiri árása. Verið að skoða hvort ástæða sé til að auka viðbúnað gegn hryðjuverkum.
• Hafa hvatt lögreglu um gervalla Svíþjóð að sýna árvekni. Aukin varðstaða á mikilvægum stöðum.
• Kemur ekki á óvart að þessi árás var gerð. Lögreglan hefur æft viðbrögð við þessu en það voru engar vísbendingar um að árás stæði nú fyrir dyrum í Stokkhólmi.
• Allt tiltækt lið sérfræðinga hefur nú verið kallað út, þar með taldar sprengju- og þyrlusveitir. Leitað er að tilræðismanni. Lögreglan lýsir eftir manni og á fundinum var sýnd mynd af honum sem tekin var í dag.  Lögreglan segist ætla að gera allt sem hægt er til að koma í veg fyrir fleiri hugsanlegar árásir í kvöld eða nótt. Aðspurðir sögðu fulltrúar lögregluyfirvalda að herlið hefði ekki verið kallað út.

•