Donald Trump Bandaríkjaforseti er æfur yfir útkomu bókarinnar Fire and Fury: Inside the Trump White House sem koma á út í dag. Lögfræðingar Trump hafa barist harðlega gegn útgáfu bókarinnar, sem varð til þess að útgefendurnir flýttu útgáfu hennar.
Bókin byggir á fjölda viðtala Michael Wolff, fyrrum blaðamanns á New York Magazine og Vanity Fair, við starfsmenn Hvíta hússins, þar á meðal Steve Bannon, sem var kosningastjóri Trumps áður en hann var rekinn fyrir ummæli sín um að sonur Trumps hafi gerst sekur um landráð þegar hann hitti lögræðing sem tengist stjórnvöldum í Rússlandi. Sagði Trump að því tilefni að Bannon hefði misst vitið og væri áhrifalaus oflátungur. Í nótt tísti Trump enn frekar um málið:
„Ég gaf höfundi gervibókarinnar núll aðgang að Hvíta húsinu (ég reyndar hafnaði honum margsinnis). Ég talaði aldrei við hann vegna bókarinnar. Full af lygum, rangtúlkunum og heimildamönnum sem eru ekki til. Horfið á fortíð þessa manns og sjáið hvað kemur fyrir hann og hinn óvandaða Steve!“
Greina má nokkra taugaveiklun í tísti Trumps og er hann augljóslega að tala um Steve Bannon og Michael Wolff.
Í bókinni er Trump sagður vanstilltur á geði. Helstu aðstoðarmenn Trump, Steve Mnuchin og Reince Priebus kalla hann fávita en lögfræðingar Trump segja að bókin sé full af ærumeiðingum í garð fjölskyldu Trump og blaðafulltrúi Hvíta hússins, Sarah Sanders, segir bókina hugarburð sem ólíklegt sé að Bandaríkjamenn leggi trúnað á það rusl sem þar er að finna.
Greinilegt er að í bókinni eru upplýsingar sem Trump vill ekki að spyrjist út. Verður framvindan því forvitnileg.
I authorized Zero access to White House (actually turned him down many times) for author of phony book! I never spoke to him for book. Full of lies, misrepresentations and sources that don’t exist. Look at this guy’s past and watch what happens to him and Sloppy Steve!
— Donald J. Trump (@realDonaldTrump) January 5, 2018
