Manneskjan er alltaf að reyna að finna upp á einhverri nýjung sem hægt er að markaðssetja og selja í massavís. Stundum er verið að reyna að svara þörf sem er til staðar hjá neytendum en oft reyna framleiðendur að skapa þörfina – eða telja fólki trúum að það bæti líf sitt með því að kaupa einhvern óþarfa. Hér eru nokkur dæmi um vörur sem við gætum til dæmis alveg lifað án.
Flestir kannast við það hvimleiða vandamál að þurfa að hafa pappír við höndina þegar maður er kvefaður. Engin myndi leggjast svo lágt að ganga með klósettrúllu á höfðinu. Nei takk.
Jú, börnin skríða oft um á mishreinu gólfi en það er algjör óþarfi að nýta þau sem gólftusku. Hversu óhreinn vill maður eiginlega að barnið verði?
Núðluvatnið á það til að slettast í allar áttir… en hversu mikið gagn gerir þessi undarlega uppfinning? Frekar myndi maður skella á sig lambhúshettu… samt ekki.
Það er unaðsleg tilfinning að labba um í grasinu á berum tánum. Þegar maður fer að ganga um í sandölum úr grasi hefur maður hins vegar gegnið of langt.
Það getur verið óþægilegt að sofa sitjandi á ferðalögum og erfitt að finna kodda sem eykur þægindin. Þessi koddi kallast „strúturinn“ og er ekki ósvipaður því að grafa höfuðið í sand. En við getum alveg fundið aðrar leiðir til þess að leggja okkur.
Þetta gæti verið gaman… en er það öruggt? Kannski er ástæða fyrir því að þessi vara hefur ekki fengið meiri útbreiðslu en raun ber vitni.
Viltu vera alveg viss um að blota ekkert? Fáðu þér þá regnhlíf með áfastri vatnsheldri gardínu. Það mun örugglega enginn stara á þig þegar þú labbar niður götuna. Ekki heldur þegar þú hrasar klaufalega um gardínuna.
Er smjörið of hart til þess að smyrja brauðið? Þá er þetta rifjárn kannski fyrir þig. Við höfum þó lifað ár og aldir án þess að þurfa sérstaka græju í þetta.
Þvílík bylting! Nú getur þú drukkið kaffi á meðan þú straujar flíkina. Gamanið er auðvitað búið um leið og þú sullar niður á fínu flíkina. Æi.
Vantar pláss fyrir fiskabúr á heimilinu? Kínversk fyrirtæki býður upp á klósett með innbyggðu fiskabúri… en við erum ekki viss hvort við viljum vita nákvæmlega hvernig þetta vikar.
