Innbyrti útgáfu af alsælu með skelfilegum afleiðingum
Hin sautján ára gamla Faye Allen lét lífið í kjölfar inntöku alsælutöflunnar „MasterCard“ eftir næturbrölt í Manchester borg. Lögregla var kölluð að Victoria Warehouse í Trafford snemma á mánudagsmorgun. Faye lét lífið stuttu síðar.
„Hugur okkar og samúð er hjá fjölskyldu stúlkunnar á þessum erfiðu tímum,“ sagði Ben Eward, yfirlögregluþjónn í Manchester og bætti við að „Við höfum handtekið tvo einstaklinga í tengslum við rannsókn málsins. Þetta er karlmaður og kona sem eru í gæsluvarðhaldi. Þau verða yfirheyrð síðar í dag.“
Enn fremur sagði hann: „Því miður vitum við til þess að einstaklingar hafi tekið þessa útgáfu af alsælu, sem við þekkjum sem „MasterCard“, og við erum að leggja áherslu á að finna þann sem gæti hafa tekið fíkniefnið, að láta kíkja á sig.“
Faye er þriðja barnið sem móðir hennar missir. Árið 2004 lést bróðir hennar, sem var tæplega tveggja ára gamall. Mánuði síðar lét systir hennar lífið, aðeins átján vikna gömul.
Fram hefur komið að Faye hafi ætlað sér að fara á tónleika ásamt kærasta sínum. Þetta var í fyrsta skipti þar sem Faye fer á skemmtistað. Á samfélagsmiðlum hefur minningu hennar verið haldið á lofti.
Í tilkynningu frá Victoria Warehouse segir að þau sendi fjölskyldunni sínar dýpstu samúð þeirrar látnu og að staðurinn muni halda áfram að aðstoða lögregluna við rannsóknina.