Þýska stórveldið Bayern Munchen virðist vera að kaupa vinstri bakvörðinn Nathaniel Brown frá samlöndum sínum í Frankfurt.
Félögin hafa átt í löngum viðræðum um kaupverðið en samkvæmt fréttum munar nú um tíu milljónum evra á mati félaganna. Líklegt er að kaupverð verði í kringum 60 milljónir evra.
Yfirmaður íþróttamála hjá Frankfurt hefur þegar sagt Brown að hann verði leikmaður Bayern um leið og félögin ná samkomulagi.
Þessi ungi Þjóðverji hefur einnig verið orðaður við enska boltann, einna helst Arsenal, en virðist að öllum líkindum ætla að halda kyrru fyrir í heimalandinu.
