Félög í Sádi-Arabíu hafa áhuga á Harry Kane, samkvæmt þýska miðlinum Kicker.
Samningur Kane við Bayern Munchen rennur út eftir næstu leiktíð og talið er að báðir aðilar hafi rætt um framlengingu, en ekkert er þó í hendi.
Sádar gætu veitt Bayern alvöru samkeppni um undirskrift kappans og án efa boðið framherjanum væna launahækkun.
Kane, sem er fyrirliði enska landsliðsins, gekk í raðir Bayern frá Tottenham sumarið 2023 og hefur slegið í gegn í Þýskalandi, líkt og hann gerði í enska boltanum.
