Stjarna leikkonunnar Sydney Sweeney skín skært um þessar mundir og glansmyndir af henni prýða flesta rangala internetsins. Á dögunum mætti Sweeney á heimsfrumsýningu myndarinnar The Handmaid þar sem hún skartaði sínu fegursta í alhvítum fiðruðum kjól.
Auðkýfingurinn Elon Musk var greinilega uppnuminn af einni myndinni og sá sig greinilega knúinn til að tjá sig um hana sem hefur vakið mikla furðu.
Birti Musk neðangreint tíst á samfélagsmiðli sínum, X, en þar má sjá mynd af íturvaxinni konu og síðan grínast með að stór brjóst geti valdið bakverkjum.
„Getur ekki verið auðvelt,“ bætti Musk við.
Can’t be easy pic.twitter.com/N1Nb7qfq03
— Elon Musk (@elonmusk) December 16, 2025
Netverjar höfðu margir ekki húmor fyrir tísti auðkýfingsins. „Þarftu ekki að vera einhversstaðar að setja saman eldflaug?“ spurði einn á meðan annar bætti við að athugasemdin væri ekki við hæfi í ljósi aldursmunar þeirra. „Hún er 30 árum yngri en þú, furðulegt“.
Aðrir sögðu að tíst Musk væri til marks um það hvað veröldin hefði breyst mikið á nokkrum árum. „Þessi póstur hefði þýtt allsherjarslaufun árið 2020“.
