Markmannsteymi Manchester City gæti tekið aðra stóra breytingu í janúarglugganum, aðeins nokkrum mánuðum eftir að félagið endurskipulagði stöðuna í sumar.

Samkvæmt Daily Mail eru bæði James Trafford og Stefan Ortega opnir fyrir brottför í janúar. Trafford, sem kom frá Burnley fyrir 27 milljónir punda, hafði fengið þau skilaboð að hann myndi verða aðalmarkvörður eftir að Ederson fór til Fenerbahce.

Þess í stað sótti City Gianluigi Donnarumma á lokadegi gluggans og hefur Ítalinn varið markið í öllum leikjum í deildarinnar síðan.

City nýtti samningsákvæði til að vinna Newcastle í kapphlaupi um Trafford í sumar, en Newcastle munu að öllum líkindum reyna aftur að fá Englendinginn í janúar.

Ortega er einnig farinn að íhuga framtíðina og gæti leitað sér nýrrar áskorunar, sem þýðir að City gæti staðið frammi fyrir erfiðum ákvörðunum varðandi varamenn Donnarumma.

Trafford á sér auk þess persónulegt markmið, að keppa við Jordan Pickford um markmannsstöðu enska landsliðsins, og óreglulegur spilatími gæti flýtt ákvörðun hans um brottför.