Fyrrum hertogaynjan Sarah Ferguson er ekki ánægð með framgöngu bresku konungsfjölskyldunnar gagnvart sér, en henni hefur verið gert að yfirgefa konunglegu híbýlin sem hún deildi með fyrrum eiginmanni sínum, Andrew Mountbatten-Windsor, fyrrum prins. Hún er nú sögð hyggja á hefndir.
The Express greinir frá því að Ferguson sé nú að íhuga að láta allt fjúka í viðtali við fjölmiðla.
Fjölmiðlamaðurinn Mark Dolan segir við Sky News: „Henni finnst eins og henni hafi verið kastað fyrir lestina, að það hafi verið vegna illa ígrundaðra samskipta Andrésar við athafnamanninn sem er fallinn í ónáð [Jeffrey Epstein] og þar með neyðist hún til þess að hreinsa nafn sitt. Hún þarf peninga og það er mjög líklegt að hún muni undirrita samkomulag um að fá milljónir fyrir að láta allt fjúka. Það er stór vandi fyrir Karl Bretakonung því allur þessi skandall gæti komið óorði á valdatíð hans.“
Búið er að gera Ferguson og Andrési að yfirgefa Royal Lodge þar sem þau hafa verið búsett lengi. Þau eru samt ekki flutt út og óvíst hvenær af því verður. Talið er líklegt að Ferguson endi með að flytja inn á dóttur sína Eugenie prinsessu í Portúgal.
