Samkvæmt heimildum National Enquirer var erfitt fyrir raunveruleikastjörnunnar Kim Kardashian að Sydney hafi verið miðpunktur athyglinnar en ekki hún.
„Kim myndi aldrei segja þetta, en að sjá Sydney fá alla athyglina í Feneyjum var risa högg fyrir sjálfsálit hennar,“ sagði heimildarmaðurinn.
Einnig er greint frá því að Kim var spennt að eyða tíma með fyrrverandi NFL-kappanum Tom Brady í brúðkaupinu, en þau hafa daðrað við hvort annað í gegnum árin.
Sjá einnig: Sjóðandi heitt daður milli Kim Kardashian og Tom Brady vekur athygli
„Hún er ennþá skotin í honum,“ sagði heimildarmaðurinn, en Tom „veitti Sydney miklu meiri athygli og Kim fannst hún nánast ósýnileg.“
TMZ greindi frá því í lok júní að Tom og Sydney voru saman fram á nótt, dönsuðu og spjölluðu saman.
En Kim kennir ekki Sydney um þetta og finnst leikkonan „glæsileg og hæfileikarík“ að sögn heimildarmannsins.
„Þetta snýst meira um að Kim er að átta sig á því að hún er ekki aðalgellan lengur, og það veldur henni óöryggi. Hún hefur verið einhleyp í nokkur ár núna og það er byrjað að hafa áhrif á sjálfstraust hennar. Hún er glæsileg, en hún er á fimmtugsaldri, á fjögur börn og hefur áhyggjur að það sé of stór pakki fyrir hvernig karlmann hún vill.“
