Margaret segir að hún hefur þekkt Ellen lengi. „Þetta er svo skrýtið núna, almenningur sér hana meira í réttu… hún er illgjörn […] Hún var líka leiðinleg áður fyrr, en hún gat líka verið vingjarnleg.“
„Ég held að hún hafi alltaf haft einhverjar neikvæðar tilfinningar í minn garð því kærustum hennar líkaði alltaf vel við mig,“ segir Margaret.
„Ellen var mjög skrýtin.“
Margaret hitaði stundum upp fyrir Ellen á níunda áratugnum en Margaret segir að eftir að Ellen hafi fengið sinn eigin þátt hafi stirðnað á milli þeirra og að Ellen hafi látið eins og þær þekktust varla.
Margaret sakar Ellen um að hafa klippt hluta af viðtali sem hún tók við tónlistarmanninn David Bowie, þar sem hann fór fögrum orðum um Margaret.
„Þetta var svo skrýtið,“ segir hún. Margaret hafði mætt í risastórum kínverskum keisarabúningi á tónleika hjá honum.
„Honum fannst það svo skemmtilegt og talaði heillengi um það. Og hún klippti það út, sem gerði mig svo reiða,“ segir hún.
„Framleiðandi þáttanna, sem er góður vinur minn, hringdi í mig og sagði: „Ég trúi ekki að hún gerði þetta, en hún klippti þetta úr þættinum. Þú þarft að vita að hann talaði endalaust um fötin þín. Hann elskar þig.““
„Ég veit ekki hvort þetta var persónulegt, kannski var þetta of langt fyrir útsendinguna, en samt, ég tek þessu persónulega því ég ákvað að gera það.“
