Indversk yfirvöld staðfestu í gær 241 hefði farist í slysinu en einn komist lífs a. Vélin, Boeing 787-Dreamliner, brotlenti skömmu eftir flugtak en hún var á leið til Gatwick-flugvallar í London.
Hjónin tóku meðfylgjandi mynd skömmu fyrir flugtak og segja indverskir fjölmiðlar frá því að ferðalagið hafi átt að marka nýtt upphaf í lífi fjölskyldunnar. Hjónin höfðu verið gift í tíu ár.
Komi Vyas starfaði sem læknir í Udaipur og hafði hún sagt upp starfi sínu til að flytjast til Bretlands ásamt eiginmanni sínun, Dr. Prateek Joshi, sem þegar hafði fengið starf sem læknir í London. Með í för voru fimm ára tvíburasynir þeirra, Nakul og Pradyut, og átta ára dóttir, Miraya.
„Þau fóru til Ahmedabad í gær og hugðust taka flugið þaðan til London. Prateek hafði komið til Indlands tveimur dögum áður og ætlaði að taka Komi og börnin með sér,“ sagði Nayan, frændi Joshi, í samtali við indverska fjölmiðla í gær. Bætti hann við að fjölskyldur þeirra hjóna hafi kvatt þau á flugvellinum áður en vélin fór í loftið.
Meðfylgjandi er myndband sem sýnir þegar vélin tók á loft frá flugvellinum í Ahmedabad en missir svo flugið skömmu síðar.
