Maðurinn sem fannst látinn í hlíðum Kistufells á Esjunni síðdegis í gær hét Viktor Arman Kambizson. Viktor var 22 ára.

Leit viðbragðsaðila hófst um klukkan níu á mánudagskvöld eftir að lögreglu barst tilkynning um að Viktor hefði ekki skilað sér úr göngu. Leit stóð yfiralla aðfararnótt þriðjudags og aftur á þriðjudagsmorgun eftir stutt hlé. 

Sjá einnig: Maðurinn sem leitað var á Esjunni er látinn

Viktor bjó í Reykjavík. Hrönn Harðardóttir móðir hans staðfestir andláts hans við fréttastofu Vísis. Hún minnist sonar síns í færslu á samfélagsmiðlum:

„Þessi fallegi, skemmtilegi yndislegi drengur, hann Viktor minn er látinn. Aðeins 22 ára gamall. Hann er göngumaðurinn sem var leitað að í Esjunni í vikunni. Hann fórst af slysförum í hlíðum Kistufells.

Við færum björgunarsveitarfólki sem leitaði tímunum saman og langt fram á nótt okkar bestu þakkir. Sem og áhöfn þyrlunnar sem fann drenginn minn. Og lögreglunni sem hélt utan um okkur og gaf reglulega upplýsingar um stöðu mála. Og þeim sem komu heim til okkar og tilkynntu andlátið. Fyrir nærgætni og hlýju. Góður drengur er fallinn frá, allt of snemma. Elsku Viktor minn, hvíldu í friði.“