Það er óhætt að segja að uppgötvun finnskra vísindamanna sé bæði heillandi og ógnvænleg. Í jarðvegssýni, sem var tekið undir safnhaug, fannst risastór veira, tvisvar sinnum stærri en kórónuveiran skæða sem herjaði á heimsbyggðina fyrir ekki svo mörgum árum.

Veiran heitir „Jyvaskylavirus“ og þrátt fyrir að nafnið hljómi eiginlega eins og nafn á vísindaskáldsögu er veiran ekki hættuleg fyrir okkur fólkið.

Uppgötvunin opnar fyrir aukinn skilning á stórum veirum sem er að finna í jarðvegi og vatni.

Veiran er 200 nanómetrar í þvermál og er því örugg í flokknum „risaveira“ en í honum eru veirur sem eru stærri en þær sem við þekkjum allra best, til dæmis inflúensuveirur og kórónuveiran.

Rannsókn finnsku vísindamannanna hefur verið birt í vísindaritinu eLife.