Félagið ArcticNam, sem Samherji á hluta í, hefur fengið sekt frá namibískum stjórnvöldum vegna brota gegn 23 sjómönnum sem misstu vinnuna hjá félaginu.
Afríski miðillinn Legalbrief greinir frá þessu.
ArcticNam gerði út skip í Namibíu og var í helmingseigu íslenska útgerðarfélagsins Samherja. Árið 2019 var 23 sjómönnum á togaranum Heinaste sagt fyrirvaralaust upp og skipt út fyrir ódýrara vinnuafl. Það er eldri sjómenn á verktakalaunum.
Allar götur síðan hafa sjómennirnir leitað réttar síns gegn félaginu. En þeir töldu sig eiga inni bætur vegna samningsbrota og vangoldinna launa.
Í haust var gert grein fyrir niðurstöðum rannsóknarskýrslu á högum sjómannanna fyrrverandi sem hafa átt erfitt með að finna vinnu. Í skýrslunni, sem var unnin af stofnuninni IPPR, kom fram að sjómennirnir og fjölskyldur þeirra hefðu margar sokkið í fátækt, hafi glímt við andlega og heilsufarslega erfiðleika. Sumir hafi þurft að senda börnin sín í framfærslu til ættingja og einhverjir hafi tekið eigið líf.
Árið 2021 dæmdi félagsdómur í Namibíu ArcticNam til þess að greiða sjómönnunum bætur. Samtals 15,7 milljónir króna.
Bauðst félagið hins vegar til þess að greiða að hluta af þeirri upphæð sem sjómennirnir fengu dæmda en lögmaður sjómannanna hafnaði því boði árið 2023. Krafðist fullra efnda fyrir þeirra hönd. Sagði hann í nóvember árið 2023 að uppsafnaðir vextir á bótafjárhæðinni væru orðnar tæplega 8 milljónir króna.
Nú hefur skrifstofa vinnumálastjóra borgarinnar Walvis Bay í Namibíu sektað ArticNam um 1,8 milljón namibískra dollara. Sem gera rúmlega 12 milljónir íslenskra króna.
Kemur fram í frétt Legalbrief að Maxine Krohne, fyrir hönd vinnumálaráðuneytisins, hafi skipað fyrirtækinu að greiða bætur fyrir tekjutap ársins 2019.
